Хөгжмийн урлагийн гайхамшигт аялгуу, ирээдүйн одод нэгэн тайзнаа өрсөлдөх гэж байна. Тодруулбал, Монголын нэрт хөгжмийн зохиолч, Монгол Улсын Төрийн шагналт, Ардын жүжигчин, удирдаач Ж.Чулууны нэрэмжит өсвөрийн хөгжимчдийн олон улсын XII уралдаан ирэх дөрөвдүгээр сарын 3-13-ны өдрүүдэд Монгол Улсын Консерваторын концертын танхимд болох юм.
Дэлхийн түвшний авьяастнууд, шинэ үеийн шилдэг хөгжимчид ур чадвар, хүсэл мөрөөдлөөрөө өрсөлдөх уг уралдааны шагнал гардуулах ёслол, гала тоглолт дөрөвдүгээр сарын 13-нд 18.00 цагаас УДБЭТ-ын тайзнаа болно.
