Сөртийн хөшөө чулууд нь Ховд аймгийн Ховд сумын төвөөс баруун урагш зургаан километрийн зайд, далайн түвшнээс дээш 2048 метрийн өндөрт байрладаг. Тус дурсгалт газарт найман хөшөө чулуу бий.
Сөрт хэмээх газар байрлах тус хөшөө чулууд нь МЭӨ VI-VIII зууны үед холбогдоно. Тус хөшөөг саарал болон хар саарал өнгийн боржин чулуугаар хийжээ. Хөшөөг баруун зүгээс зүүн тийш чиглэлтэй нэг шугамд зэрэгцүүлэн босгосон байна.
Хөшөө тус бүрийн гадна талд 1.5×1.5 метр хэмжээтэй дөрвөлжин чулуун хүрээ татсан бөгөөд түүний голд хөшөө чулууг газарт суулгасан байна. Уг хөшөө нь нутгийн өвөрмөц содон тогтоц бүхий түүх, соёлын чухал дурсгалт газарт багтдаг.
Хөшөө чулуудыг 1961, 1988 онд мэргэжлийн судлаачид судлан шинжилжээ. Энэ түүх, соёлын дурсгал нь монголын эртний нүүдэлчдийн урлаг, шүтлэг, соёлыг харуулсан чухал өв гэдгээрээ онцлогтой. Хүн чулуу, эртний овгийн тамга /ямаан тамга/ зэргийг багтаасан тахилгын байгууламж юм.
Ховд аймгийн Ховд сум нь Улаанбаатар хотоос 1500 орчим км, аймгийн төвөөс 30 км зайтай.
