Өнгөрсөн гуравдугаар сарын 16-ны өдөр аниме бүтээгч компани болох “Ajiado”-ийн албан ёсны цахим хуудсаас компанийн хуучин ерөнхийлөгч, захирал байсан Цутому Шибаяамаг уушгины хорт хавдраас болоод нас барсан тухай мэдээлжээ. Тэрбээр 84 настай байсан юм.
“Ajiado”-гоос “Манай компанийн бүх ажилчдын зүгээс та бүгдэд түүнийг амьд байх хугацаанд халуун дулаан дэмжлэгээ үзүүлэн, сайхан сэтгэлээр хандаж байсанд чин сэтгэлээсээ талархаж байна.
Талийгаачийн гэр бүлийн хүсэлтийн дагуу түүний оршуулах ёслолыг олны нүднээс холуур, зөвхөн ойр дотнынхон нь л очиж болох нууцлалтайгаар хийсэн. “Ajiado” хэсэг хугацааны дараа түүний дурсгалд зориулсан үйл ажиллагааг зохион байгуулна. Уг үйл ажиллагааны талаарх дэлгэрэнгүй мэдээллийг бүх зүйл бэлэн болж, төлөвлөгдсөний дараа та бүгдэд мэдэгдэх болно” гэжээ.
Шибаяама нь 1963 онд “Toei Animation”-д мэргэжлийн хүүхэлдэйн кино бүтээгчээр орж ажлын гараагаа эхлүүлсэн байдаг. Дараа нь тэрбээр 1966 онд “A Production” (1976 онд Shin-Ei Animation болж нэрээ өөрчилсөн)-д хүүхэлдэйн киноны найруулагчаар ажилласан бөгөөд “The Gutsy Frog” (1972-1974) болон “Tensai Bakabon” (1972-1977) зэрэг бүтээлүүдийг найруулсан юм.
