“BTS” хамтлагийн гишүүн “V” буюу Ким Тэ Хюн солонгос уран бүтээлчдийн дундаас хамгийн богино хугацаанд хамгийн олон “ТикТок” дагагчтай болж, дээд амжилт тогтоов. Тэрбээр гуравдугаар сарын 13-ны өдөр “ТикТок” хаягаа нээсэн бөгөөд эхний өдөртөө л дагагчийнх нь тоо нэг сая давсан. Улмаар дөрөвдүгээр сарын 1 гэхэд 10 сая дагагчтай болжээ.
Тэрбээр гуравдугаар сарын 24-ний өдөр “ТикТок”-тоо анхны бичлэгээ оруулсан. “J-Hope”, “Jungkook” тэр гурвын “Bunny Girl Hoodtrap” бүжиж буй бичлэг цаг хүрэхгүй хугацаанд нэг сая үзэлт авч, хагас өдөрт хоёр сая хүрчээ.
Тухайн үед хамтлагийн гишүүн “Jungkook” “ТикТок”-доо цэвэрлэгээ хийж, гуравхан хаягийг л дагадаг болсон. Тэдгээр нь хамтлагийн албан ёсны хаяг болон “J-Hope”, “V” нарын хаяг байжээ.
“V”-ийн хувьд цахим платформ дахь дагагчийнхаа тоогоор өмнө нь ч дээд амжилт тогтоож байсан удаатай. Түүний “Instagram” дахь дагагчдын тоо энэ оны нэгдүгээр сард 70 сая давж, солонгос эрэгтэй уран бүтээлчид дундаа дээд амжилт тогтоосон байна.
