“Bigbang” хамтлагийн гишүүн асан T.O.P удаан хүлээлгэсэн эргэн ирэлтээ хийж, фенүүдээ баярлуулсан билээ. Түүний “Another Dimension” бүрэн хэмжээний цомог хөгжим сонирхогчдын дунд нэр хүнд тун сайн байна.
Харин БНСУ-ын үндэсний KBS телевизээс цомгийн гол дуу болон “Studio54”, “Be sold”, “For fans”, “Seoul chaos”, “Another Dimension Holy Dude!!!!!!!!”, “Zero-Coke”, “Self crucifixion” дуунуудыг эфирт гаргах боломжгүй гэж үзсэн байна.
“Studio54”, “Zero-Coke”, “For fans”, “Seoul chaos” дуунуудыг далд сурталчилгаа хийсэн гэж буруутгажээ. Дууны үгэнд тодорхой брэндийн нэрийг дурдсан байжээ. 
Харин бусад дуунуудыг хэт хатуу, ширүүн үгтэй гэж үзсэн байна. “Be sold” дууг хараал ихтэй гэсэн бол “Self crucifixion” нь хориотой бодис хэрэглэхийг уриалсан агуулгатай гэж шүүмжилжээ.
Хууль ёсоор дуучин өөрөө болон түүний “TOPSPOT pictures” компани бүтээлээ дахин шалгалтад оруулах эрхтэй. Гэхдээ засвар хийх шаардлагатай болох юм.
