Төрийн тэргүүн зэргийн “Чингис хаан” одонт Морин хуур найрал хөгжмийн “Novel Melody” тоглолт дөрөвдүгээр сарын 16-ны өдөр болно.
Тэд жил бүрийн энэ өдрөөр эрхэм үзэгчдэдээ зориулан урын сангаа баяжуулж шинэ уран бүтээлийн “Novel Melody” тоглолтоо толилуулдаг уламжлалтай билээ.
2025 оны “Novel Melody” тоглолтыг “Чөлүгэн” квартет, “Ятгын” квинтет хамтран хүргэж байсан бол энэ удаагийн тоглолтоор нумт хөгжмийн өнгө төрх, онцлогийг илүү тодруулахыг зорин Монголын болон дэлхийн нэрт хөгжмийн зохиолчдын бүтээлүүдээс гадна залуу үеийн төлөөлөл болсон хөгжмийн зохиолчдын бүтээлүүдийг сонгон хөтөлбөрөө бүрдүүлжээ.
Тэдний ээлжит шинэхэн уран бүтээлүүдийг шимтэн сонсохыг хүсвэл та 2026 оны 04 сарын 16-ны 19 цагт Улсын Филармонийн концертын танхимыг зорих боломжтой.
Хэзээ: 2026 оны 04 дүгээр сарын 16-нд 19:00 цагт
Хаана: Улсын Филармонийн концертын танхим
Утас: 7011-8012, 9942-1853
