“Dream entertainment”-ийн уран бүтээлчид өнгөрсөн 2024 онд “Үхлийн тойрог” уран сайхны киног үзэгчдэд хүргэж байв. Эл уран бүтээлийг Тайландын “White light” кино компанитай хамтран бүтээсэн бөгөөд киноны гол дүрүүдэд Гавьяат жүжигчин С.Ариунбямба, модель С.Төгс нар тоглосон юм.
Тэгвэл тус киноны удаах цуврал “Үхлийн тойрог-2” кино тун удахгүй буюу ирэх тавдугаар сарын 7-ноос үзэгчдийн хүртээл болох гэж байна. Киноны гол дүрд youtuber Б.Түшиг тогложээ. Тэрбээр энэ тухайгаа цахим хуудсандаа “Миний гол дүрд нь тоглосон анхны кино нээлтээ хийхэд ойртоод бараг нойр хүрэхгүй л байна шүү. “Үхлийн тойрог” киноны эхний анги Монголын хамгийн олон үзэгчтэй horror кино болсон. Энэ том хүлээлтийг дааж хоёрдугаар ангид тоглох нь нэр төрийн хэрэг байлаа. Тавдугаар сарын 7-оос бүх кинотеатруудаар уулзацгаая” хэмээн нийтэлжээ.
