-Алдарт "Peter Hook and The Light" хамтлаг Монголд–
Жил бүр тэсэн ядан хүлээдэг "Playtime-2014" "амьд" хөгжмийн наадам өнөөдөр Гачууртын "Монгол шилтгээн" цогцолборт эхэлж байна.
Хөгжим сонирхогчдыг нэгтгэж чаддаг наадам 13 дахь жилдээ болж буй бөгөөд энэ жил ирж тоглох гадаадын зочин хамтлагууд олны анхаарлыг онцгой татаж буй. ОХУ-д альтернатив рок урсгалыг хөгжүүлэхэд жинтэй хувь нэмэр оруулсан гэгддэг "Мумий тролль", Японы пост рок урсгалаар тоглодог "Envy", алдарт "Joy division"-ийн дуунуудыг тоглох тус хамтлагийн гишүүн асан Петер Хуукын үүсгэн байгуулсан "Peter Hook and The Light" гээд гадаад, дотоодын нийт 40 гаруй хамтлаг "Монгол шилтгээн"-ий задгай талбайд бут авах юм. Мөн Монголын хөгжмийн хөгжлийн түүхийг бичилцсэн "Хонх" хамтлаг наадамд ирж тоглох болсныг дуулгахад таатай байна. Наадмын бэлтгэл ажил бүрэн дууссан бөгөөд хамтлаг, дуучид "Давалгаа", "Соёл-Эрдэнэ", "Нааглихац" гэсэн гурван тайзнаас уран бүтээлээ хүргэнэ. Одоогоор хамгийн эхний хамтлаг хуваарь ёсоор "Давалгаа" тайзнаас тоглож байна. Наадмын талбайд хоолны үйлчилгээ, хөгжим сонирхогчдод зориулсан зах, эмнэлгийн тусламж, мэдээллийн цэг ажиллах юм. Наадмын тасалбарыг "Монгол шилтгээн"-ий гадна болон зөвхөн "Hi-Fi mega store"-д худалдаж байгааг анхааруулъя. Ийнхүү хоёр өдрийн турш дуртай хөгжмөө сонсон амарцгаая. Бороотой, бүрхэг өдрийн мэнд плэйтаймчид аа. Усны гутал, шүхрээ аваарай.