Соёл, спорт, аялал жуулчлал, залуучуудын яамны харьяа Кино урлагийн зөвлөл нь БНСУ-ын “Ханнарэ” соёлын сан, Монгол Улсаас БНСУ-ын Пусан хотод суугаа Консулын газрын дэмжлэгтэйгээр “Монгол кино өдөрлөг” арга хэмжээг гурав дахь жилдээ зохион байгуулж байна.
“Монгол кино өдөрлөг-2026” үйл ажиллагаа нь өчигдөр /2026.04.16/ БНСУ-ын Пусан хотын кино ордонд хайруулагч Э.Ган-Очирын “Их говийн манаач” баримтат киногоор нээлтээ хийлээ.
Нээлтийн ёслолд Монгол Улсаас БНСУ-ын Пусан хотод суугаа Консул Ц.Жадамбаа, “Ханнарэ” соёлын сангийн тэргүүн Шим Сан, Пусаны кино ордны дарга Гу Ин Бом, Пусан хотын Худалдаа, аж үйлдвэрлэлийн танхимын ерөнхийлөгч Ян Жэ Сэн, Кино урлагийн зөвлөлийн гишүүн Д.Цэнгэл нар оролцож, хоёр орны соёл урлагийн харилцааг бэхжүүлэх ач холбогдлыг онцолсон юм.
“Монгол кино өдөр” арга хэмжээний үеэр гурав хоногийн турш найруулагч Э.Ган-Очирын “Их говийн манаач” баримтат кино, найруулагч С.Баттулгын “Эцэг” уран сайхны кино, найруулагч Л.Таванбаярын “Хадам ээж” уран сайхны кино, найруулагч Э.Нямжаргалын “Зүрхний Сараан” зэрэг бүтээлүүд үзэгчдийн хүртээл болохоос гадна уран бүтээлчид, үзэгчийн уулзалт болох юм.
