“Хувьсал” продашн, VOO платформын хамтын бүтээл “Сэтгэлийн уяа” уран сайхны киноны нээлтийн ёслол өчигдөр /2026.04.16/ үзэгчдийн халуун хүлээлт, өндөр ирцтэйгээр амжилттай зохион байгуулагдлаа.
Урилгаар хүрэлцэн ирсэн зочдын тоо төлөвлөснөөс давж, танхим дүүрэн үзэгчидтэйгээр нээлт “sold-out” болж, зарим зочид нэмэлт суудал хүлээн үзэх нөхцөл бүрдсэн нь тус киноны хүлээлт ямар өндөр байгааг илтгэв.
Хотын түгжрэл ихтэй цаг үед ч үзэгчид цаг заваа гарган хүрэлцэн ирсэн нь “Сэтгэлийн уяа” киноны үнэ цэнэ, хүлээлтийг тод харуулсан онцлох үйл явдал боллоо.
“Сэтгэлийн уяа” уран сайхны киноны дүрүүдэд жүжигчин Э.Батнямбуу, Гавьяат жүжигчин У.Уранчимэг, Гавьяат жүжигчин, бүжигчин М.Бямбаа, УДЭТын жүжигчин Б.Шинэбаяр, жүжигчин Б.Анхбаяр, Б.Хосбаяр, У.Содбилэг нар тогложээ.
“Сэтгэлийн уяа” уран сайхны кино бүх кинотеатруудаар гарч эхэллээ.
