Өмнөд Солонгосын к-поп уран бүтээлчдийг “төрүүлдэг” хамгийн том дөрвөн агентлаг бол “Hybe”, “YG Entertainment”, “SM Entertainment” болон “JYP”. Тэд нэгдэж, “Fanomenon” нэртэй санаачилгыг хэрэгжүүлэхээр бэлтгэж буйгаа пүрэв гараг /2016.04.16/-т мэдэгдлээ.
“JYP”-ийн үүсгэн байгуулагч, хорооны хамтран даргалагч Пак Жин-ён өнгөрсөн оны аравдугаар сард “Fanomenon” санаачилгыг анхлан танилцуулж байв. Энэ нь “fan”, “phenomenon” буюу шүтэн бишрэгч, гоц үзэгдэл гэсэн хоёр үгний нийлбэр юм.
Тус санаачилгын хүрээнд 2027 оны арванхоёрдугаар сараас өмнө Өмнөд Солонгост томоохон хэмжээний хөгжмийн наадам зохион байгуулахаар төлөвлөж байна. Энэ нь “Coachella” зэрэг томоохон наадамтай өрсөлдөхүйц хэмжээний байх бололтой.
Дөрвөн агентлаг энэ санаачилгаа дэлхийн зах зээлд к-поп соёлыг өргөжүүлэх шинэ боломжуудыг судлах хамтын ажиллагааны загвар гэж тодорхойлжээ.
