Энэ жилийн Канны кино наадам тавдугаар сарын 12-23-нд болно. Наадмын албан ёсны зурагт хуудас нь “Тельма, Луиза хоёр” кинонд хүндэтгэл үзүүлжээ. Канны кино наадамд 35 жилийн өмнө анх гарч байсан эмэгтэйчүүдийн эрхийг хөндсөн энэхүү киног Ридли Скотт найруулсан юм.
Зурагт хуудсанд киноны гол баатрууд болох Сьюзен Сарандон, Жина Дэвис нар “Ford Thunderbird” машин дээр сууж байгаагаар дүрслэгджээ.
“Тельма, Луиза хоёр” 1991 онд тухайн үеийн жендерийн ойлголтыг өөрчилж, кино ертөнцийн тогтсон, хуучин системийг задлан хаясан. Энэ киноны хөндсөн сэдэв одоо ч хуучраагүй гэдгийг кино наадмын зохион байгуулагчид онцолж байна. Тельма, Луиза хоёр кино төдийгүй бодит нийгэмд ч бүрэн эрх чөлөө, үнэнч нөхөрлөл гэж юу болохыг харуулж, нэг янзын хэвшмэл амьдралаас хэрхэн чөлөөлөгдөхийг зааж өгсөн ач тустай гэж дурджээ.
“Тельма, Луиза хоёр” кино нь “Оскар”-ын наадамд зургаан төрөлд нэр дэвшиж, нэг шагнал хүртэж байсан билээ.
