Metropolitan Entertainment, Mongolian Electronic Dance Music Association-aac 3 дахь жилдээ зохион байгуулж буй “Blue Windy Night” Фестивалийг 7-р сарын 25-нд Дүнжингаравын задгай талбайд зохион байгуулахаар дахин зарлалаа.
Уг арга хэмжээ нь Туул гол үерлэж, голын эргийг даган байрлах амралтын газрууд үерт автсаны улмаас хойшлогдоод байсан билээ.
Тэгвэл энэ удаа илүү өргөн цар хүрээтэй зохион байгуулагдах нь. Энэ өдөр “Blue Windy Night”-ийн тайзнаас мэргэжлийн бүжигчдийн хаана ч харагдаагүй үзүүлбэр, циркийн айдас хүргэм, гайхалтай үзүүлбэрүүдийг үзэн, амьд хөгжмийг шимтэн сонсож, электроник хөгжмийн хамгийн гоё, хамгийн галзуу сэтүүдийг Монголын шилдэг электроник хөгжмийн продюсер Б.Одонбат, Зоя, B.T.B, Лууяа нар амьдаар тоглох болно. Мөн “The Lemons”, “A Sound” амьд хөгжмийн хамтлагууд, мөн залуу авьяаслаг DJ нарын сэтээс гайхалтай хөгжмийг мэдэрч, зун дуусахаас урьтаж найз нөхөд, хамт олноороо нэгэн өдрийг “cool” өнгөрүүлэхийг хүссэн хэн бүхнийг “Цэнхэр салхины үдэш” –т урьж байна.
