Орос, Украины талаарх баримтат киногоороо 2026 оны Оскарын шагнал хүртсэн Оросын найруулагч Павел Таланкины шагналын цом нисэх буудалд алга болжээ.
Тодруулбал Оросын багш, баримтат киноны найруулагч мэргэжилтэй тэрбээр “Mr Nobody Against Putin /Путиний эсрэг хэн ч биш/” хэмээх бүтээлээрээ шагнал хүртсэн.
Таланкин Нью-Йоркийн нисэх онгоцны буудлаас Герман руу явах гэж байх үедээ Оскарын шагналын цомоо гар тээшинд авч орох гэсэн боловч зэвсэг болгон ашиглах боломжтой гэж үзэн зөвшөөрөөгүй аж.
Улмаар Германд газардсаныхаа дараа шагналын цомоо авах гэсэн ч алга болсон байна.
Lufthansa агаарын тээврийн компаниас шагналын цомыг нь хайрцаглаж, бүртгэлтэй тээш болгон илгээсэн ч одоогоор хаана байгаа нь тодорхойгүй байна гэв.
Тус компанийн зүгээс уучлал хүсээд яаралтай олж өгөхөөр ажиллаж байгаагаа мэдэгджээ.
ВВС агентлагийн баримтат киноны продюсер эмэгтэй ярихдаа Оскар болон Бафта наадмын шагналын цомтойгоо АНУ болон бусад улс руу нисэхэд дээрхтэй ижил асуудал үүсэж байгаагүй гэв.
Иймд Таланкин найруулагчийг яагаад шагналаа гар тээшинд авч орох боломжгүй гэснийг гайхаж байгаа талаараа мэдээлсэн байна.
Оскарын наадмын шагнал нь 34 см өндөр, 3.9 кг бөгөөд нэг цомыг хийхэд 400-1000 ам.доллар зарцуулдаг аж.
Таланкины хамтран найруулсан “Mr Nobody Against Putin” баримтат кино нь Оросын сургуулиудад дайны суртал ухуулга хэрхэн нэмэгдэж буйг харуулсан бүтээл бөгөөд тэрбээр одоо Оросоо цөлөгдөж, Европт амьдарч байна.
