“Blackpink”-ийн Женни Австралийн дуучин Тэйм Импалатай хамтран гаргасан “Дракула” хэмээх уран бүтээл шуугиан тарьж байна.
Өдрөөс зугтаж, шөнийн амьдралыг илүүд үздэг хүмүүсийг цус сорогч Дракулатай зүйрлэж өгүүлсэн уг дуу энэ сарын 11-ний өдөр АНУ-ын “Billboard Hot 100” жагсаалтын эхний 10-т орж иржээ.
Энэ нь хоёр дуучны аль, алиных нь хувьд уран бүтээл нь АНУ-ын “Billboard”-ын жагсаалтын топ 10-т эрэмбэлэгдсэн анхны тохиолдол болсон байна. Өнгөрсөн долоо хоногт уг уран бүтээл АНУ-д 12.1 сая удаа сонсогдсон нь өмнөх долоо хоногийнхоосоо таван хувиар өссөн үзүүлэлт аж.
