Монголын орчин үеийн инди поп хөгжмөөр уран бүтээлээ хийдэг артист Magnolian буюу Б.Дөлгөөн шинэ цомгоо сонсогчдодоо хүргэх гэж байна. “Supermarket Daydreams” нэртэй шинэ цомог ирэх зургаадугаар сарын 26-наас худалдаанд гарна. Энэхүү цомогт “Walk the Fire”, “Supersonic/Psychedelic” болон Хидео Кожимагийн “Death Stranding 2: On the Beach” тоглоомонд багтсан “Woods” зэрэг нийт есөн дуу багтжээ.
Ташрамд дурдахад, Magnolian 2016 онд “Famous Men”, 2020 онд “Slow Burn” цомгуудыг гаргаж байв. Тэгвэл “Famous Men” цомгийнхоо 10 жилийн ойг тохиолдуулан тус цомгийг тусгайлан цэнхэр өнгөтэйгөөр гаргаж байгаа юм байна. Үүнээс гадна “Slow Burn” цомгоо бас дахин хэвлэн гаргаж байгаа аж. Өөрөөр хэлбэл, түүний бүх цомог нь пянз хэлбэрээр дахин худалдаалагдах юм.
