BTS хамтлаг одоогийн байдлаар “Arirang” цомгоо сурталчилж, аялан тоглолтоо хийж буй. Гэтэл сүүлийн үед тоглолттой холбоотой контент хуваалцах, арми нарын хийсэн бичлэгүүдийг эргүүлэн постлох, сошиал шинэчлэлтээр дамжуулан фэнүүдтэйгээ харилцах зэргээр сошиал орчинд идэвхтэй байсан Жонгүг өнгөрсөн лхагва гараг /2026.05.27/-т гэнэт алга болжээ. Инстаграмд Жонгүгийн хаяг харагдахаа больсонтой зэрэгцэн арми нарын дунд үймээн дэгдлээ.
Инстаграм хаяг нь харагдахаа больсны дараа Жонгүг TikTok платформд “Инстаграмаас хаяг нь түр хугацаанд хаагдсан, ашиглах боломжгүй гэсэн мэдэгдэл ирсэн” хэмээн тайлбар хийжээ. Удалгүй буюу нэг өдрийн дараа /2026.05.28/ түүний инстаграм хаяг эргэн харагдаж эхэлсэн юм.
Өмнө нь Жонгүг 2023 онд өөрийн 50 сая гаруй дагагчтай инстаграм хаягаа өөрөө устгаж, фэнүүдээ гайхшруулж байв.
