Энэтхэгийн кино, стриминг контентын салбарт хиймэл оюун туршилтын шатнаас гарч, үйлдвэрлэлийн бодит хэрэгсэл болж байна. Төсөв шахагдаж, контентын эрэлт нэмэгдсэн энэ үед студиуд болон платформууд хиймэл оюуныг хурд, өртөг, цар хүрээг зэрэг шийдэх шинэ үйлдвэрлэлийн аргачлал болгон ашиглаж эхэллээ.
Энэ өөрчлөлтийн хамгийн тод жишээ нь “Релианс Индастрис” болон “Уолт Дисней”- ийн хамтарсан “JioStar”-ийн “Махабхарат: Шударга ёсны төлөөх дайн” цуврал юм. Өнгөрсөн оны аравдугаар сард эхэлсэн төслийн 100 ангийг хиймэл оюуны тусламжтай бүтээжээ.
Тус цуврал нээлтийн өдрөө 6,5 сая үзэлт авч, платформын дунджаас 2,1 дахин өндөр үзүүлэлттэй гарсан байна.Энэ нь нэг удаагийн туршилт бус, хиймэл оюун түүх өгүүлэх цар хүрээг тэлж болохыг харуулсан эхний дохио юм.
