МЗЭ-ийн Удирдах зөвлөлийн 2019 оны арванхоёрдугаар сарын 23-ны өдрийн хурлаар хэлэлцэн баталсан Утга зохиолын уралдаан наадмын журмын 3.10-д заасны дагуу “Утгын чимэг-2025” богино өгүүллэгийн наадмын эхний шалгаруулалтыг Хүүрнэл зохиолын үндэсний төв, Судлал шүүмжийн үндэсний төвөөс сонгогдсон таван гишүүний бүрэлдэхүүнтэйгээр шүүн явууллаа.
Хүүрнэл зохиолын үндэсний төв 2026 оны зургаадугаар сарын 11-ний өдрийн хурлаараа Б.Сарантуяа, С.Пүрэвсүрэн, Т.Мандир нарыг шүүгчээр сонгосон бол Судлал шүүмжийн үндэсний төв Г.Батсуурь, Ү.Хүрэлбаатар нарыг сонгосон байна.
Уралдаанд ирүүлсэн бүтээлийг зохиогчийн нэргүйгээр дугаарлаж уншуулсан бөгөөд шүүгчид
- Өвөрмөц санаа, бүтээлч байдал (20 оноо)
- Өгүүлэмжийн бүтэц, зохиомж (15 оноо)
- Дүр бүтээлт (15 оноо)
- Хэл найруулга, уран сайхны чанар (20 оноо)
- Сэдэв, үзэл санааны гүн гүнзгий байдал (10 оноо)
- Сэтгэл хөдлөл, уншигчдад үзүүлэх нөлөө (10 оноо)
- Техникийн чанар (10 оноо) гэсэн тус бүр нь гурван дэд шалгуур бүхий долоон үндсэн шалгуурын дагуу үнэлж дараагийн шатанд оролцох 10 бүтээлийг тодрууллаа. Шалгаруулах явцыг МЗЭ-ийн Хяналтын зөвлөлийн дарга Э.Ганболд хянан ажиллажээ.
“Утгын чимэг-2025” богино өгүүллэгийн наадмын эцсийн шатыг Утга зохиолын уралдаан наадмын журмын 3.12-д заасны дагуу МЗЭ-ийн Удирдах зөвлөлөөс сонгогдсон гурван шүүгч шүүн явуулах аж.
