“BBC” телевизийн шоу нэвтрүүлгийн хөтлөгч Эшли Кейнийг олон нийтийн мэдээллийн хэрэгслээр эмэгтэйчүүдийг илт хүйсээр ялгаварлан гадуурхах, эмэгтэйчүүдийг үзэн ядсан хэллэг хэрэглэсэн хэмээн үзэгчид буруутгаж байна.
“Guardian”-д мэдээлснээр, “BBC”-гийн баримтат цуврал болох “Ashley Cain: Into the Danger Zone”-г хөтөлдөг Эшли Кейн твиттер хуудсандаа “тэнэгүүд”, “гичий”, “янхан” болон эмэгтэйчүүдийг доромжилсон бусад үг хэллэг, бэлгийн чиг баримжаатай холбоотой сэтгэгдлүүдийг нийтэлжээ.
Х платформоос түүний хуудсыг устгасан бөгөөд “BBC News” корпорацийн хэвлэлийн төлөөлөгч “Бид энэ асуудлыг анхааралдаа авсан. Одоогоор тайлбар хийхгүй” хэмээсэн байна.
