Монгол Улсын Төрийн соёрхолт, УДЭТ-ын Ерөнхий найруулагч Н.Наранбаатар дэлгэцийн гурав дахь бүтээлийн ажилдаа орсон гэх мэдээлэл цацагдаад буй. Тэрбээр энэ зун гурав дахь дэлгэцийн бүтээлдээ орж байгаагаа фэйсбүүк хуудсаараа дамжуулан мэдээлсэн бөгөөд хоёр жил гаруй бодсон зохиолоороо энэхүү бүтээлээ туурвиж байгаа сурагтай.
Түүнчлэн найруулагч Н.Наранбаатарын энэхүү бүтээлд дэлгэцийн урлагийн “акул”-ууд тоглож байгаа гэх мэдээлэл цацагдаад байсан юм. Харин энэхүү мэдээллийг баталж, фэйсбүүкийн идэвхтэй хэрэглэгч болоод буй Монгол Улсын гавьяат жүжигчин Н.Батцэцэг шинэхэн үс засалтаа толилуулжээ.
Тэрбээр зургаа хийхийн зэрэгцээ “Найруулагч Н.Наранбаатарын "Сүүлчийн шөнө" киноны зураг авалтад зориулж өнөө өглөө миний үсийг "Марал" салоны эзэн Эрдэнээ маань ингэж засч өглөө. Хориод жил гоо сайханд минь анхаарч ур чадвараа зориулсан чамдаа баярлалаа” хэмээн талархлаа илэрхийлсэн байна.
