Монгол Улсад анх удаа “Дэлхийн адууны өдөр”ийг олон улсын хэмжээнд өргөн дэлгэр тэмдэглэх гэж байна.
Ерөнхийлөгч Ухнаагийн Хүрэлсүхийн санаачилгыг ЮНЕСКО-гийн Ерөнхий бага хурлаар дэмжин баталснаар жил бүрийн долдугаар сарын 11-ний өдрийг “Дэлхийн адууны өдөр” болгон тэмдэглэх олон улсын шийдвэр гарсан нь Монголын нүүдэлчдийн өв соёл, адууны хүн төрөлхтний хөгжилд оруулсан үнэт хувь нэмрийг дэлхий нийтээрээ хүлээн зөвшөөрсний тод илэрхийлэл болсон юм.
Энэ жил Дэлхийн адууны өдрийг 55 гаруй улс орон өөр өөрийн онцлог, уламжлалын дагуу тэмдэглэх бөгөөд Монгол Улс энэхүү олон улсын түүхэн үйл явдлын гол төв болон тэмдэглэж байгаагаараа онцгой ач холбогдолтой юм.
Хүй долоон худагт зохион байгуулагдах энэхүү баярын хүрээнд үндэсний өв соёл, морин спорт, адууны соёл иргэншил, урлаг соёлыг нэг дор нэгтгэсэн олон улсын цар хүрээтэй үйл ажиллагаанууд зохион байгуулагдана.
- 2026 оны долдугаар сарын 10, 11, 12, 13-ны өдрүүд
- Хүй долоон худаг
Доорх дэлгэрэнгүй хөтөлбөртэй танилцаж, Монгол адууны өв соёл, дэлхийн соёл иргэншилд оруулсан үнэт хувь нэмрийг хамтдаа алдаршуулан тэмдэглэх энэхүү түүхэн баярт гэр бүл, найз нөхөдтэйгөө хүрэлцэн ирэхийг урьж байна.
