Орчин үеийн мэргэжлийн урлагийн ууган байгууллага Улсын драмын эрдмийн театрын хамт олон жил бүр орон нутагт “Театрын өдрүүд” аялан тоглолтыг зохион байгуулдаг уламлалтай. Тэгвэл энэ удаагийн аялан тоглолт энэ сарын 18-ны өдрөөс эхлэн зүүн бүсийн аймгуудад өртөөлнө. Өөрөөр хэлбэл Хэнтий аймаг, Өмнөдэлгэр сум, Дорнод ,Сүхбаатарт зохион байгуулах гэж байна.
Театрын хамт олон энэ удаагийн аялан тоглолтоороо хүүхэд багачууддаа зориулж хөгжилтэй адал явдалт К.Драгунская “Онц сурлагатнууд орохыг хориглоно”, залууст хайр сэтгэлийн тухай өгүүлэх С.Жаргалсайханы “Нууц амраг чинь болъё” Н.Ганхуягийн “Бүүвэй” болон “Эхнэрээ зээлээ” шоу драмын жүжгээр зүүн бүсийн аймгуудын үзэгчдэд бэлэг барихад бэлэн болоод байгаа юм байна.