Холливуудын алдарт жүжигчин, дуучин Хиллари Даф уран бүтээлийн ажилдаа эргэн орсон байна. Тэрээр өнгөрсөн мягмар гарагт Youtube хуудсанаа шинэ дууныхаа клипийг байршуулжээ.
Өсвөр насныханд зориулсан телевизийн олон дүрээрээ дэлхий дахинаа танил болсон Диснейн од дуучин жүжигчин Хиллари Даф ийнхүү "All About You" шинэ дууныхаа видео клипийг гаргажээ.
“All About You" хэмээн энэхүү бүтээл нь түүний шинэ цомогт нь багтаж байгаа юм. Тэрээр энэ тухайгаа “E! News”-д мэдээлэхдээ “Би шинэ цомгоо гаргахаар шаргуу ажиллаж байна. Энэ надад их туршлага болж байна. Цомгоо гаргах гэж байгаадаа үнэхээр их сэтгэл хөдлөж байна” гэжээ.
Хиллари Даф нь өнгөрсөн 2007 онд “Dignity” цомгоо гаргаж байсан бөгөөд энэ тус цомгоосоо хойш гаргаж байгаа анхы цомог нь болж байна. Хиллари нь өнгөрсөн долдугаар сард “RCA Records”-той хамтран шинэ цомог гаргах гэж байгаа мэдэгдэж байсан. Тус цомог нь түүний 5 дахь цомог болон гарах юм. Тэрээр цомгийн эхний сингли "Chasing the Sun” дуугаа өнгөрсөн долдугаар сард гаргасан бөгөөд Биллбоардын шилдэг 100 дууны жагсаалтын 79-т бичигджээ. Өдгөө 26 настай залуу жүжигчин маань 2001 оноос хөгжмийн кареераа эхлүүлсэн юм.
Түүний дуулах жүжиглэх амжилтын гараа нь Диснейгээс эхлэлтэй бөгөөд тэрээр 2001 онд “Radio Disney” тоглолтонд оролцсоноор дуулж эхэлжээ. Мөн тэрээр өөрийн тоглосон хэд хэдэн киноныхоо саундтракыг дуулсан байдаг. Хиллари нь анхны цомгоо 2002 онд Зул сарын баярт зориулан “Santa Claus Lane” цомгоо гаргасан юм. Тус цомог нь Биллбоардаас алтан өргөмжлөлийг хүртэж байсан байна. Мөн 2003 онд Metamorphosis, 2004 онд Hilary Duff харин 2007 онд Dignity хэмээх цомгуудаа тус тус гаргасан байна.
А.Зул
