“Squid Game” цувралаар дэлхий дахинд танигдсан жүжигчин Хоён найруулагч На Хон Жиний “Hope” шинжлэх ухааны уран зөгнөлт триллерт тоглох нь өөрийнх нь мөрөөдлийн кино төсөл байсан хэмээн ярьжээ. Тус бүтээл нь Хоёны бүрэн хэмжээний кинонд тоглосон анхны ажил болж буй юм.
Хоён 2021 онд “Netflix”-ийн “Squid Game” цувралын тоглолтоороо олон улсад танигдаж, “Эмми”-гийн шагналд нэр дэвшсэн юм. Үүний дараа тэрбээр 2024 оны “Disclaimer” цувралд Кейт Бланшетттэй хамтран тоглож, найруулагч Альфонсо Куаронтой ажилласан байна.
Жүжигчин “Squid Game”-ийн дараа кино урлагийн туршлагатай уран бүтээлчидтэй хамтран ажиллах хүсэлтэй байсан бөгөөд “Hope” түүнд энэ боломжийг олгосон гэжээ. Тэрээр найруулагч На Хон Жин, жүжигчин Хван Жон Мин, Жо Ин Сон нартай нэг бүтээл дээр ажилласандаа баяртай байснаа ярьсан байна.
“Hope” кинонд Хоён цагдаагийн дүр бүтээсэн бөгөөд дүрдээ бэлтгэхийн тулд “Alien”, “Arrival”, “Interstellar” зэрэг шинжлэх ухааны уран зөгнөлт киног ахин дахин үзжээ. Мөн Японы найруулагч Шохэй Имамурагийн “Dr. Akagi” бүтээлээс дүрийнхээ шугамыг авсан байна.
Киноны зураг авалтын үеэр Хоён зургаан сарын турш галт зэвсэг ашиглах, жолоодлого болон биеийн хүч шаардсан үзүүлбэрийн бэлтгэл хийсэн байна. Тэрбээр энэ ажлыг карьерынхаа хувьд хамгийн их биеийн хүч шаардсан дүрүүдийн нэг байсан гэж ярьжээ.
