Женнифер Лопес бол олон талын авьяастай бүсгүй. Мундаг дуучнаас гадна Жэй Ло кино ертөнцөд амжилттай хөдөлмөрлөж байгаа юм. Тэрбээр тун ч амаргүй, дэндүү ил задгай дүрд тоглох саналыг хүлээж авчээ.
“Шүтэн бишрэгч” гэдэг нэртэй кинонд тэрбээр дөнгөж саяхан нөхрөөсөө салаад уй гашууд автсан нэгэн багш эмэгтэйн дүрд тогложээ. Гэвч удалгүй гол дүрийн эмэгтэй өөрийн идэр залуу хөрш эрэгтэйг тун ч ихээр сонирхож эхэлнэ. Харин цаад залуу нь харагдаж байгаа шигээ тийм ч номхон дөлгөөн амьтан биш.
Энэ дүр 45 настай од бүсгүйн хувьд жинхэнэ том сорилт болжээ. Яагаад гэвэл киноны төрөл нь аймшгийн эротик кино юм. Тийм учраас Жен бүсгүй дэндүү илэн далангуй хэсгүүдэд тоглоход хүрсэн байна. Өмнө нь тийм дүрийг тэр бүтээж байсангүй. “Шүтэн бишрэгч” триллер киноны нээлт ирэх оны нэгдүгээр сарын сүүлээр болох аж.
