Монгол улсын төрийн соёрхолт хөгжмийн зохиолч Халтарын Билэгжаргалын 60 насны ойд зориулсан хүндэтгэлийн концерт маш амжилттай болж өндөрлөлөө. Тоглолтыг нээж Монгол улсын ардын жүжигчин, төрийн хошой шагналт хөгжмийн зохиолч Н.Жанцанноров, Монгол улсын төрийн соёрхолт, МУУГЗ хөгжмийн зохиолч Б.Шарав, Монголын хөгжмийн зохиолчдын холбооны ерөнхийлөгч МУУГЗ Б.Бямбабаяр, УДБЭТ-н удирдаач МУУГЗ Н.Туулайхүү, УДБЭТ-н найруулагч МУУГЗ Л.Эрдэнэбулган нар үг хэлж хуучны дурсамж яриануудыг өрнүүлсэн юм.
Х.Билэгжаргал агсны хүү "Билэгжаргал сан"-н тэргүүн Б.Мөнхманлай нь УДБЭТ-н найруулагч МУУГЗ Л.Эрдэнэбулганд хүндэтгэл үзүүлснээр тоглолт эхэлсэн. Тоглолтонд МУАЖ А.Долгор, Б.Жавзандулам, Д.Самбуу, МУГЖ Г.Эрдэнэбат, Х.Үнэнхүү, У.Далантай, УДБЭТ-н гоцлол дуучин СТА Ш.Наранчимэг, А.Сайнбаяр О.Хүрэлбаатар, дуучин СТА Г.Эрдэнэтунгалаг, ЦДБЭЧуулгын дуучин Ч.Бүдрагчаа, Төгөлдөр хуурч СТА Ц.Энхтөр, УДБЭТ-н найрал дуучид, Симфони найрал хөгжим, ХБК-ийн оюутнууд оролцож нэрт хөгжмийн зохиолчийн шилдэг уран бүтээлүүдийг энэ үдэш амилууллаа. Удирдаачаар УДБЭТ-н ерөнхий удирдаач МУУГЗ. Н.Туулайхүү, Удирдаач МУУГЗ. Ж.Бүрэнбэх.