2006 онд СУИС-ийн төгсөх курсийн оюутнууд тус тусын сонирхдог хөгжмийн зэмсгээр хамтран тоглосноор “Жонон” хамтлагийн байгуулагдах эхлэл тавигджээ. Хамтлагаа “Жонон” хэмээн нэрийдсэн нь морин хуур хөгжим үүссэн “Хөхөө Намжил”-ын домогт гардаг “Жонон хар” морийг бэлгэшээсэн аж.
Байгуулагдсан цагаасаа үндэсний хөгжмийн цөөхүүл хэлбэрт өөрчлөлт хийх зорилго агуулан үндэсний хөгжмийн цөөхүүл дээр бөмбөр, аргил гитар нэмэн орчин үеийн залуусын таашаалд нийцүүлэхийг хичээж, гадны хит дуунуудыг хөрвүүлэн найруулж тоглож эхэлсэн “Жонон” хамтлаг энэ жил 20 “нас” хүрч байна.
“Жонон” хамтлаг 20 жилийн ойн тоглолтоо энэ арванэгдүгээр сарын 11-нд “Корпорэйт контеншн центр”-т хийнэ.
Тус тоглолтоо кино, театрын хэлбэрээр хүргэхээр зэхэж буйгаараа онцлог. Мөн ойн хүрээнд баримтат кино хийж байгаа бөгөөд эл киног зөвхөн хамтлагийн түүхээр биш, хамтлаг, баг гэж юу вэ гэх агуулгаар бүтээж байгаа аж. Түүнчлэн хамтлагийн төгөлдөр хуурч Н.Лигдэнгийн зохиосон “Үр минь” хөгжмийг дүрсжүүлэн тоглолтоосоо өмнө үзэгчдэд хүргэхээр төлөвлөжээ.
