Нэгэн үе цэнхэр дэлгэцээр өдөр бүр улс эх орны цаг үеийн шуурхай мэдээг дамжуулан хүргэхийн зэргэцээ олон сонирхолтой нэвтрүүлгийг бэлтгэн үзэгч түмнийхээ мэлмийг мялаасан хөтлөгч, нэвтрүүлэгч Б.Тамирыг уншигч та эс андахгүй ээ. Түүнийг мэргэжил нэгт нөхөд нь ирээдүйн Цоодол хэмээн үнэлдэг. Энэ удаад тэрбээр үзэгчиддээ "6500 Миллийн аялал" нэртэй сонин содон зүйлээр дүүрэн аяллын нэвтрүүлгээ хүргэж эхэллээ.
Өнгөрсөн жилээс эхлэн АНУ-ыг үе үе зорих болсон тэрээр Лос Анжелес хотноо ажиллаж амьдарч байгаа Монголчуудын эгэл амьдралын тухай болон АНУ-ын сонин сайхныг харуулахаар зорьж ийнхүү "6500 Миллийн аялал" хэмээх аяллын нэвтрүүлгийг бэлтгэсэн байна. Ингээд та бүхэн хөтлөгч, нэвтрүүлэгч Б.Тамирын "6500 Миллийн аялал"-ын нэвтрүүлгийн эхний хэсгээр аялаж, АНУ-д ажиллаж амьдардаг монголчуудынхаа ахуй амьдрал, өдөр тутмын хэрэглээний зардал болоод амьдралынхаа нэг өдрийг хэрхэн өнгөрүүлдэг талаар үзээрэй.
