БНАСАУ-ын Пхэньян хотын уран хатгамалчдын үндэсний хатгамалын үзэсгэлэн Blue Moon арт галерейн үзэсгэлэнгийн танхимд 2014.12.10-14-ны хооронд дэлгэгдэж байна.
БНАСАУ-ын Уран хатгамлын төвийн хатгамалчдын урласан хальтхан харахад гэрэл зураг шиг, лавлаад харвал уран зураг шиг, яг ойртоод үзвэл гайхалтай нарийн, чимхлүүр ажиллагаа бүхий уран хатгамлын бүтээлүүдээр нь монголчууд хэдэн жилийн өмнөөс мэддэг болсон билээ.
Солонгосын үндэсний урлаг бөгөөд БНАСАУ-ын Уран хатгамлын төв нь мянга гаруй уран бүтээлчидтэй юм. Тус төвийн хамтгамалч ЧЭ ЖОН СҮН түүний шавь нар энэхүү үзэсгэлэндээ монгол аж ахуй, түүх, байгаль, амьтаны сэдэвт 40 гаруй бүтээлүүдээ дэлгэх гэж байна.
Уг үзэсгэлэн 2014 оны 12-р сарын 10-14-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 88773410, 88850812, 89806021дугаарын утсаар лавлана уу.
www.URLAG.mn
