 |
Дууны нэр : Чука – Аз жаргалын тойрог |
Өглөө сэрсэн цэцэгсүүд
Шүүдрийн гоёлтой мэндэлнэ
Өнөөдөр гоё өдөр болно гэж
Шувууд жиргэж байна
Амьдрал юутай сайхан
Жаргал яасан ойрхон
Инээж баясаж цэнгэцгээ
Хүүе та юунд гуниглаав
Наана чинь хаврын өдрүүд ирж байна
Нартай гэгээн гудамжаар
Танихгүй ч танилууд алхална
Намайг нэг л уяхан хөглөж
Найзууд шиг санагдана
Үлгэр бүхэн сайхан хүсэл яасан илүү
Амьдралд алдаа оноо бий
Амжиж хайраа хайж ол
Анд минь чи гараас минь атгаач
Дуулмаар гүймэр бүжмээр байна
Танихгүй ч гэсэн мэндэлмээр байна
Зөөлөн бороонд болзмоор байна
Зөвхөн сайхныг дуулмаар байна
Хөөрмөөр нисмээр дүүлмээр байна
Бүгдийг орхиод доргимоор байна
Эргэх хорвоод ирсэн бүхэн
Энэ амьдралд тавтай морил
Зөнгөөр эргэх цйг хугацаа гэрэл сүүдрийг тэнцүүлнэ
Зөөлөн орчлон амсхийж нялхасын дууг сонсно
Үлгэр бүхэн сайхан хүсэл яасан илүү
Унаж босож тэмүүлцгээ
Хүүе та юунд гуниглаав
Наана чинь амьдрал эхэлж байна
Амьдрал гэдэг юу юм бэ
Алган дээр буудаггүй шувуу юмуу
Ээлжлэн асах замын гэрлүүд
Эхлэл төгсгөлгүй хайр юмуу
Хөзөр шиг холилдох учрал байвч
Тамга шиг таарах нь хэд бол
За найз минь чи хундагаа барь
Заяа тавьлангийн төлөө
Дуулмаар гүймэр бүжмээр байна
Танихгүй ч гэсэн мэндэлмээр байна
Зөөлөн бороонд болзмоор байна
Зөвхөн сайхныг дуулмаар байна
Эргэх хорвоод ирсэн бүхэн
Энэ амьдралд тавтай морил…
