Үлэмж хорвоогийн өнгө сайханд
Үнэн сэтгэлээр шимтэн өссөн ч
Үнэр тансагхан гоёхон цэцгийн
Өргөсөнд хатгуулж боломгүй хүмүүс минь
Залуу нас гэдэг гэнэн байх учиргүй
Залуу нас гэдэг алдаж байх ёсгүй
Хайрыг хайраар ивээн тэтгэж
Хатуу хорвоог зөөллөж амьдарна
Хийморь золбоот маргаашийн зүг
Хүсэхгүй аюулыг тойрон алхацгаая
Залуу нас гэдэг гэнэн байх учиргүй
Залуу нас гэдэг алдаж байх ёсгүй
Тэгш цохилох омголон зүрхэнд минь
Тэнгэр язгуур минь цэвэр байг
Энх нарны сайхан орчлон дээр
Эрүүл явахын жаргалыг эдэлнэ
