Дуурь бүжгийн эрдмийн театрын дуучин, СТА Б.Мөнхтөр теонор хоолойтой дуучидтай хамтран дуулсан “Ховдын бүсгүй” уран бүтээлийнхээ клипийг сонсогчиддоо хүргэхээр болжээ. Тэрээр “Ховдын бүсгүй” уран бүтээлээ Ховд аймгаас төрөн гарсан теонор хоолойтой дуучидтай хамтран бүтээсэн байна.
Б.Мөнхтөр нь Д.Данзангийн үг, Ү.Хүрэлбаатарын хөгжим “Хөөрхөн”, Л.Дагвадоржийн үг, Д.Цогтсайханы хөгжим “Ээжийн сайхан хорвоо”, Б.Дөлбарахын үг, ая “Ховдын уянга” зэрэг дуугаа сонсогчидын хүртээл болгож байсан юм. Түүний анхны уран бүтээлүүдийн нэг болох “Хөөрхөн” дууг дуучин А.Түмэн-Өлзий, М.Сөрөлт нар сэргээн дуулж, хит дууны жагсаалтыг тэргүүлж буй юм.
