Та Монгол хүн мөн үү.Тиймээ, би Монгол хүн. Хаана ч явсан Монгол гэх цусаараа би бахархана. Дэлхийн 7 тэрбум хүн ардыг “Хүн шиг” амьдруулж ирсэн Монгол төрөөрөө би бахархана. Би өвөг дээсээрээ бахархана. Өнөө цагийн, шинэ үеэрээ бахархана. Залуучуудаараа бахархана. Олон мянган жилийн төрт ёстой, төр гэж юу байдгийг дэлхийд таниулж ирсэн Монголчуудаар би бахархана.
Харин одоо цагийн энэ төрөөр яагаад ч бахархаж чадахгүй. Дэлхийд ганцхан Монгол наадмын хүчит бөхчүүдийн зүүний манлай бөхийг тэр гээд хэлж чадахгүй байгаа энэ төр, энэ төрийг төлөөлж суугаа энэ нөхдүүдээр яагаад ч бахархаж чадахгүй. Энэ төрөөс би ичиж байна.
Амин хувийн, ашиг сонирхол, жалга дов, хэтэвэч түрүүвчээрээ холбогдсон энэ цагийн эрхэмүүд Монгол төрийн үндэсний их баяр наадмыг гутаан доромжлохыг хүсэж байна. Тэд өөрсдийн үзэмжээр, дэлхийд ганцхан Монгол наадмыг холион бантан болгохыг хүсэж байна.
Монгол наадамд 12 удаа түрүүлсэн энэ цагийн энгүй их аварга, УИХ-ын гишүүн Б.Бат-Эрдэнэ: -“Бөхчүүдийг эрэмблэж, олноо баясуулсан амжилтаар эрэмбэлэх нь зөв. Гэхдээ надаас өмнө Дархан аварга цолыг хангасан ахмадуудын өмнүүр орж, зүүнийг манлайлах ёс суртахууны эрх надад байхгүй” хэмээн хэллээ.
Монгол хүнд таарахгүй, монгол ахуйд тохирохгүй гадны улсын хууль, дүрмийг хуулбарлан, зохион найруулж, та бидэнд тулгаж ирсэн энэ цагийн элдэв цусны эрлийз, хурлийзуудаар Монгол наадмаа бузарлуулахаас би ичиж байна.
Монгол үндэстэний их баяр цэнгүүн, дэлхийд ганцхан Монгол наадамд Дархан аваргын болзлыг хэн ньтүрүүлж хангасан нь зүүнээ манлайлж Монгол наадмаа эхлүүлэх ёстой. Хэн нэгний зохиосон элдэв дүрэм, журмаа орхи. Наадамчин олноо баясуулсан аатай, уран гоё барилдаанаараа хэн нь зүүний манлай болохоо аваргууд минь та нар харуул.
Та Монгол хүн мөн үү
Эх сурвалж: Undesten.mn
