Монголын хип хоп урсгалын анхдагчдын нэг Люмино хамтлаг бие даасан тоглолтоо хийхээр болжээ. Тоглолт энэ сарын 21 нд болох юм байна. Тэдний энэхүү тоглолт 9 жилийн дараа зохиогдож байгаа гэдгээрээ онцлогтой бөгөөд хамгийн сүүлд 2006 онд тоглолтоо хийж байжээ.
Люмино хамтлаг нь албан ёсоор 1998 онд таван хүний бүрэлдхүүнтэйгээр байгуулагдаж, 2000 оны сүүлээс гурван хүний бүрэлдэхүүнтэй болж өөрчлөгджээ. 1998 оноос хойш одоог хүртэл хип хоп урлагийг Монголд таниулж яваа хамгийн нэр нөлөө бүхий хамтлагийн нэг бол яахын аргагүй Lumino хамтлаг билээ. Ингээд Lumino хамтлагийг сонсогч залуусдаа тэдний үе үеийн хэмнэлийг нэгэн дор мэдрэх "Хэмнэл нэрэгч" тоглолтонд хүрэлцэн ирж хэмнэл мэдрэхийг урьж байна.
Дэлгэрэнгүй мэдээллийг: 96116688, 96116699
www.Urlag.mn
