"Мөнхийн реп" хамтлаг "Зөөлөн гуниг", "Хайрын эзэн”, “Энэ хайр байж”, “Цаснаар”, "You and me" зэрэг дуугаараа залуус байлдан дагуулж, дуулсан дуу болгон нь хит болж байсан үе саяхан мэт.
Тэгвэл "Мөнхийн реп" хамтлаг хэдийнээ 14 жилийг ардаа орхисон байна. Тэд анх 2001 оны есдүгээр сарын 11-нд "Нууцхан хайр" тоглолтоо хийж байжээ. Үүний дараа жилийн зургаадугаар сарын 10-нд "Бурхан чөтгөр шидтэн" тоглолт, "Хавар боллоо хайртдаа оч", "Чи хайрыг мэдэх үү", "Мичид рекордс-н 5 жилийн ой" , "Мөнхийн реп таван жил", "Мөнхийн реп ABC цомог" зэрэг тоглолтуудаа жил болгон хийжээ.
Тэгвэл ирэх сарын 04-нд "Crocus Event Hall"-д ирэх сарын 4-нд 20 цагаас "Hit songs" шоу тоглолт нь болохоор товоо зарласан. Тус хамтлагийнхан сонсогч, фэнүүдтэйгээ нэгэн үдшийг доргио өнгөрүүлж, дурсамжаар аялуулахад амьд хөгжимтэй бэлтгэлээ хийж дуусчээ.
Дашрамд дуулгахад, Тоглолтын тасалбарыг Hi-Fi рекордсын бүх салбаруудаар худалдаалж байгаа бөгөөд 1900-1188 болон easyticket.mn захиалж авах боломжтой.
О.Ариун
