Залуусын хот хэмээгддэг Дархан хотын залуучууд өөрсдийн хүсэл тэмүүлэл, авъяас билигээрээ нэгдэж "Сүүлчийн төрсөн өдөр" хэмээх бүрэн хэмжээний уран сайхны киног бүтээж үзэгчдийн хүртээл болгоход бэлэн болоод байна. "X-Mass" продакшн, "Орхон" рекордсын хамт олны бүтээсэн тус киноны ерөнхий найруулагчаар Г.Гантулга, ерөнхий продюсер А.Соронзонболд, дууны найруулагчаар Р.Баясгалантөгс нар ажиллажээ.
Тус киноны гол дүрд Б.Чингүн, М.Намуун, Б.Билгүүн нар тоглосон бол дүрүүдэд Э.Билгүүн, М.Баярмагнай, Э.Сэргэлэн, М.Дархансүрэн, О.Хонгорзул, Б.Ариунзул, Ш.Мөнхзаяа, М.Анударь, М.Уянга, Г.Даваадорж нар тоглосон байна. Аймшгийн төрөл жанарын тус кино тун удахгүй Дархан хотын Соёомбо кино теарт нээлтээ хийх юм байна. Ингээд уншигчиддаа тус киноны трайлерыг хүргэж байна
www.Urlag.mn
