Blue moon арт галерейгаас уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаалыг хөгжүүлэх, Монголын дүрслэх урлаг, уран бүтээлчдийг дэлхий нийтэд таниулах, шинэ залуу авьяслаг уран бүтээлчдийг дэмжих, хотын соёл, өнгө төрхийг урлагаар дамжуулж нийгэмд хүргэх зорилгын хүрээнд дүрслэх урлагийн төрлүүдээр төрөлжүүлсэн сэдэвт үзэсгэлэнг уран бүтээлчдийн дунд тогтмол зохион байгуулж 500 гаруй уран бүтээлчдийг хамруулаад байгаа билээ.
Энэ удаагийн сэдэвт үзэсгэлэнгээ “Натюрморт” нэртэйгээр 2015.09.10-09.21-ны хооронд зохион байгуулж, дүрслэх урлагийн бүтээлүүдээр өнгө нэмж урлагт хайртай та бүхний оюуны мэлмийд хүргэж байна. “Натюрморт” гэдэг нь амьгүй байгаль гэсэн утгатай үг бөгөөд энэ нь уран зургийн төрлүүдийн нэг юм.
Уг үзэсгэлэнд 20 уран бүтээлчийн 30 гаруй бүтээлүүд дэлгэгдсэн ба өвөрмөц өнгө аяс, амьгүй байгаль дахь бодит илэрхийлэлийг өөр өөр өнцгөөс харуулсан бүтээлүүд тавигдаж байгаагаараа онцлог юм.
Уран зураг гэдэг хавтгай дээр орон зайг бий болгож түүгээрээ үзэгчдэд бодит мэдрэмжийг өгч байдгаараа онцлог юм.
Цагийн хуваарь: үзэсгэлэн – өдөр бүр 09:00-24:00
Оффис- Даваа – Баасан 10:00-19:00
Үзэсгэлэн 2015 оны 09-р сарын 10-20-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 95128120 дугаарын утсаар лавлана уу.
