Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
Урлаг.мн»Дуу хөгжим»Аав хүнд заавал байх ёстой 10 шинж
Дуу хөгжим

Аав хүнд заавал байх ёстой 10 шинж

Урлаг Урлаг10/11/2015Сэтгэгдэл байхгүй3 минут уншина
Facebook Twitter LinkedIn Имэйл Telegram WhatsApp
28083ff01868cc965dd6ee9b810584eefcb28be78862615522015-11-10-10-56[www.urlag.mn].jpg
Share
Facebook Twitter LinkedIn Pinterest Имэйл

1. Мэдрэмжтэй
Гэр бүлийнхэн, ялангуяа хүүхдүүдээ бүтэлгүйтсэн үед нь урмаар тэтгэж, айдастай үед нь зоригжуулж, өөртөө итгэлгүй болсон үед нь хамгийн шилдэг нь гэдгийг мэдрүүлж, ганцаардсан үед нь хань болж ярилцдаг, хайртай хүмүүсийнхээ сэтгэл зүйг мэдэрч ойлгодог байх.
 
2. Инженерийн сэтгэлгээтэй
Аливаа юмыг логик дарааллын дагуу бодож, гаргалгааг нь олох чадвартай байх. Хэрэгтэй үед цахилгаанчин, мужаан, сантехникч ч болж чаддаг, амьдралын ухаан, гарын дүйтэй байх.
 
3. Хариуцлагатай 
Хийж байгаа үйлдэл, хэлж байгаа үг бүрийнхээ хариуцлагыг бүрэн хүлээдэг гэдгээ хүүхдүүддээ харуулдаг байх. Аливааг бодлоготойгоор сонгон, гарах үр дүнг нь өөрийн биеэр даана гэдгээ мэдрүүлэх.
 
4. Хүүхдүүдээ сорьдог
Ээжийн хүчээр хүүхэд өөрийнхөөрөө байж сурдаг бол аавын хүчээр хүүхэд өөрийнхөө хамгийн сайн хувилбар байхад давхар суралцах учиртай. Чадахгүй зүйлийг нь даалгаж, туршлага суулгаж, алдаа гаргахад нь ахиад оролдоход бэлтгэдэг сайн дасгалжуулагч хүн бол аав юм.
 
5. Ээжид нь маш их хайртай
Хүүхдүүдийнхээ төлөө эцэг хүний хийж чадах хамгийн чухал, сайн зүйл бол ээжийг нь хайрлах юм.
 
6. Сэтгэлийн тэнхээтэй
Амьдралын зовлон бэрхшээлд ганхаж, сөхөрдөггүй. Ямар ч асуудлыг хатан зоригтойгоор даван гарч, гэр бүлээ айдаст автахаас сэргийлдэг байх. “Аав тайван байгаа юм чинь бид зүгээр байх аа” гэсэн бодол төрүүлдэг.
 
7. Үлгэр дууриаллаар манлайлдаг
Хүүхдээсээ хүсдэг бүхнээ өөрөө хийж харуулдаг. Өөрийнхөө үлгэрлэж чаддаггүй зүйлийг хүүхдүүдээсээ шахаж шаарддаггүй байх.
 
8. Хайраараа “хазаарладаг”
Эцгийн хайр хүүхдийг эрх дураар нь явуулахаасаа илүү энэ бие, сэтгэлдээ эзэн болж явахад сургадаг байх ёстой. Аавыгаа л харж хүүхдүүд сахилга батад суралцдаг. Зөв зүйлийг нь дэмжиж, буруу үйлийг нь өөгшүүлэлгүй чангалж, биеийнхээ биш үгийнхээ хүчээр ухамсрыг нь өргөж явдаг байх.
 
9. Баатар байдаг
Гэр бүлийн хамгаалагч, аврагч-Цорын ганц баатар нь байх. Баатар байхгүй үед итгэл төрдөггүй. Хүүхдүүд бүгд “Ааваас маань илүү мундаг хүн гэж үгүй” гэж боддог байх ёстой.
 
10. Хүргэнээ “баздаг”
Өөрөө гайхалтай эр нөхөр байж чаддаг учраас хүргэнээ ч бас охиныхоо хувьд тийм эр нөхөр байхыг нүүр бардам шаардаж чадах хүн байх.
 
11. Монгол ёс заншлаа хүүхэддээ зааж чаддаг
Гэр барихыг, адуу уургалахыг, мах эвдэхийг, ууц хөндөхийг зааж чаддаггүй аавтай хүүхэд “монголоо алдсан” хүн болно.
 
12. Санаачлагатай байх
Хэдий эцэг эх хоёр ихэнх том шийдвэрийг ярилцаж байж гаргадаг ч, гэр орноо, гэр бүлийнхнээ өөд нь татах тал дээр аав хүний санаачлага хамгийн түрүүнд илрэх ёстой.
 
13. Хүүхдүүддээ тусгайлан цаг гаргадаг
Хүүхдийн хүмүүжлийн суурийн ихэнхийг ээж хүн тавьдаг. Гэхдээ аав хүний л тавьж чадах хэсэг гэж бий. Хүүхдүүддээ сайнаар нөлөөлж, ертөнцийг танин мэдэхэд нь тусалж, асуудлаа шийдэхэд нь зөвлөдөг байхын тулд аав нь тогтмол цаг гаргадаг байх нь чухал.
 
14. Эхнэрээ ч бас эцгийн хайраар хайрладаг
Зөвхөн хүүхдүүдийнхээ хувьд биш, гэр бүлийнхээ хувьд “эцэг” нь байх. Эхнэрээ амрагийн хайраар хайрлахаас гадна, эцгийн хайраар энэрч, уучилж, ойлгодог байх.
 
15. Хүүхдээ бага гэж гололгүй том хүн шиг харьцдаг
Хүүхэддээ өгсөн амлалтаа том хүнд өгсөн амлалт мэт чандлан биелүүлдэг. Хүүхдийнхээ асуусан бүхнийг үнэнээр нь тайлбарлаж, хүүхэдтэйгээ ярилцахдаа том хүнтэй ярилцаж байгаа юм шиг л өөрт нь хариуцлагыг нь мэдрүүлж, ухааныг нь суулгаж ярьдаг байх чухал.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Гадаад мэдээ Урлаг

Бейонсегийн аялан тоглолтын үеэр “Destiny’s child” хамтлаг эргэн нэгдлээ

28/07/2025
Дуу хөгжим Урлаг

Дуучин Самандын Жавхлан Ардын жүжигчин цол хүртлээ

28/07/2025
Гадаад мэдээ Урлаг

IVE хамтлаг тайзнаа эргэн ирэхээр бэлтгэлдээ оржээ

25/07/2025

Сэтгэгдэл хаалттай

Сүүлд нэмэгдсэн

“Avatar: Fire and Ash” киноны албан ёсны трейлер цацагдлаа

29/07/2025

“Согоомаа” олон ангит аймшгийн киноны бүх анги үзэгчдэд хүрч эхэллээ

29/07/2025

Японы орчин үеийн уран бүтээлчид хамтарсан үзэсгэлэнгээ толилууллаа

29/07/2025

“Их шүтээн Эзэн Чингис хаан” үзэсгэлэн дэлгэнэ

29/07/2025

“LUMINO” хамтлагийн “THE ONE” тоглолт болно

29/07/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.