40 настай жүжигчин Анжелина Жоли Британийн “The Observer” сонинд өгсөн ярилцлагадаа сүүлийн жилүүд өөрт нь хэрхэн хүнд өнгөрсөн тухайгаа илэн далангүй ярьжээ. Хөх, өндгөвчний хорт хавдар тусах эрсдэлтэйгээ мэдэж, хэд хэдэн мэс засалд орсон тэрбээр сэтгэл гутралд орох дөхсөн гэнэ. Өнгөрсөн хавар тэрбээр өндгөвчнүүд болон үрийн хоолойгоо авахуулсан. Энэ тухайгаа Анжелина Жоли “Хэлэхийн аргагүй хүнд шийдвэр байсан. Учир нь би хүүхэд өргөж авахынхаа зэрэгцээ дахиад хүүхэд төрүүлэхийг хүсч байсан юм. Тухайн үед хөхний булчирхайгаа авахуулснаа эргэн санаад айдас төрж, өөртөө итгэлгүй болж байсан. Ийм мэдрэмж хоёр жилийн турш дотор минь байсан юм билээ. Тэр ч бүү хэл хурим ч сэтгэл санааг минь засч чадаагүй. Гэхдээ хууль ёсны нөхөр, үр хүүхдүүдийн минь мөнхийн дэмжлэг намайг өөд нь татсан” хэмээжээ.
Үүнээс гадна өөрийнхөө найруулсан шинэ кинонны талаар “Брэд бид хоёр энэ киноны үеэр хоорондоо эвдрэлцэж муудалцаж байсан ч энэ бүхэн хэдийн ард хоцорч, одоо л би амар амгалан болж байна” гэсэн байна.
Ийнхүү Анжелина Жоли кино зураг авалтын үеэр нөхөр Брэд Питтээсээ салах нь гэсэн шуугианыг үгүйсгэлээ. Түүний нөхөр Брэд Питтийн хувьд энэ кинонд тоглох тун дургүй байсан гэдэг. Учир нь түүнд кино зохиол таалагдаагүй төдийгүй Женнифер Энистонтой хамт амьдарч байсан үеийг нь санагдуулсан гэж хүмүүс таамаглаж байсан. Харин Анжелина түүнийг ятгасаар кино зургандаа оруулсан ч угаас дургүй байсан Брэд зураг авалтын хооронд үргэлж эхнэртэйгээ хэрэлддэг байжээ.
Гэсэн ч одоо Анжелина Жоли гэр бүлийн амьдрал нь бат бөх, аз жаргалтай байна.
Mnews.mn
