Монгол улсын үндэсний дуу бүжгийн эрдмийн чуулгын 65 жилийн тэмдэглэлт өдрүүд 12 сарын эхний долоо хоногт тохиолоо. Энэхүү түүхэн ой бол Үндэсний дуу бүжгийн эрдмийн чуулгын хамт олны болон үндэсний урлагаа дэлхийд сурталчилсан бүхий л он жилүүдийн баяр юм. Ойн хүрээнд ҮДБЭЧ-ын маркетингийн алба Монголын гэрэл зурагчдын нэгдсэн холбоо, Монголын хүүхдийн ордон, Улаанбаатар хотын музей, Урчуудын эвлэл, Монгол костюмс, Эгшиглэн магнай, Сүү, Талх чихэр, World wine зэрэг байгууллагуудтай хамтран ажиллав.
ҮДБЭЧ-ын бүжиг, дуу, хөгжим албаны шилдгийн шилдэг уран бүтээлүүдийг нэгэн тасалбараар багц болгон худалдаалсан бөгөөд нэг тасалбараар 3 тоглолтыг үзэх боломж олгосон юм.
2015 оны 11 сарын 22
Та бидний мэдэх 2013 оны Бүх урлагийн Гоо марал шагналт “МОНГОЛЫН ИХ ХАТАД” тоглолтын өмнө Монгол костюмс ХХК-тай хамтарсан загварын шоу зохион байгуулсан нь түүхэн хатдын хувцас, хэрэглэл, гоо зүйн соёлтой танилцах боломж олголоо.
2015 оны 11 сарын 25
1911 оны хувьсгалын тухай өгүүлэх “ОРОЙН ДЭЭД” үндэсний түүхэн дуулалт жүжиг тоглогдсон бөгөөд бүтэн зуун жилийн тэртээх түүхээр аялахад зориулж Улаанбаатар хотын музейн гэрэл зургийн үзэсгэлэн, Урчуудын эвлэлийн уран зургийн үзэсгэлэн дэлгэгдсэн юм. Мөн чуулгын үүдээр ороход 5 настай бяцхан Богд гэгээн сэнтийдээ заларсан байсан бөгөөд гэгээнтнээс адис авах хүмүүсийн цуваа үүссэн байв.
2015.11.28
Монгол төрийн үндэсний хөгжмийн их найрал хөгжмийн хамт олны “МОНГОЛЫН ИХ НҮҮДЭЛ” уран бүтээлийн өмнө “Эгшиглэн магнай” хөгжмийн зэмсгийн үйлдвэртэй хамтран хөгжмийн зэмсгийн үзэсгэлэн гаргаж Монголын хүүхдийн ордны Б.Энхтуяа багштай “Аялгуу” хамтлагийн үндэсний хөгжмийн тоглолтоор үзэгчидээ угтсан нь үзэгчидэд ховор болон гайхалтай ур хийцтэй үндэсний хөгжмийн зэмсгүүдтэй ойроос танилцах боломж олголоо.
ҮДБЭЧ Маркетингийн алба
Утас 11323954 89070887 88023954 99839212
