Ардын урлагаараа дамжуулан Монгол эх орныхоо нэрийг Ази тивд төдийгүй дэлхий даяар цуурайтуулан яваа “Хөсөгтөн” хамтлагийн уран бүтээлчид Сингапур, Жакарта, Канберра, Ханой, Вьентьян болон Сидней хотод бүрэн хэмжээний тоглолтоо тавьж тэнд оршин суугаа монголчууддаа болон олон мянган гадаадын үзэгчдэд монгол үндэсний урлагаа гайхуулаад авсан билээ.
Энэхүү тоглолтыг гадаад хэргийн яам энэ онд хилийн чанадад дахь ДТГ-уудтай хамтран гадаад сурталчилгааны арга хэмжээг бүс нутагт зохион байгуулах боломжийг эрэлхийлэн ажилласны хүрээнд зохион байгуулсан юм. Тэгвэл "Хөсөгтөн" хамтлагийн тоглолтыг үзэж монгол урлагийг бахдан үзсэн Австрали улсын Сидней хотын удирдлагууд хамтлагийн залуусыг хотын хүндэт тэмдэгээр шагнасан байна. Авъяаслаг залуусдаа баяр хүргэхийн дашрамд монгол урлагаа дэлхий өнцөг булан бүрт гайхуулж урлагийн сайхныг олон сая хүмүүст хүргэхийн ерөөлийг тавъя
www.Urlag.mn
