"Цензургүй яриа" нэвтрүүлгээр жүжигчин Ц.Алдармаа орж сүүлийн үед олны анхаарлын төвд байгаа асуудлынхаа талаар ний нуугүй ярьж маш их харамсаж байгаа тухайгаа илэрхийлээд зогсохгүй охид бүсгүйчүүддээ хоромхон зуурын уур хилэнгээс болж өөр шиг нь алдаа битгий гаргаасай гэдгийг чин сэтгэлээсээ хүсэн захисан юм. Энэхүү нэвтрүүлэг цацагдсан даруйдаа олны анхаарлыг татаж Алдармаагийн зөв буруу гэж мэтгэлцэх хүмүүс цөөнгүй байгаа юм.
Тэгвэл “Шинэ үе” продакшнд өнөөг хүртэл хамтдаа зүтгэж ирсэн жүжигчин О.Мөнхгэрэл өөрийн цахим хуудсаар дамжуулан Ц.Алдармаад сэтгэлийн дэм хайрласан байна. Энэ талаар бид өнөөдрийн "Mobile news" буландаа онцолж байна.
Тэрбээр "Чи минь хөөрхөн шүү сэтгэлд нэг л дулаан мэдрэгддэг. Хүн бүхэн чамайг мэддэг, ойлгодог байх албагүй. Амьдралд алдсан ч сөхөрч болохгүй шүү.
Хөөрхөн хүүгийнхээ төлөө сайхан амьдралыг босгоно шүү. Баахан уйлаад нойр минь хулжив. Амьдралд уйлах үе байхад инээх үе заавал ирдэг. Хүн болгон мэдэх албагүй, ойлгох ч албагүй. Бүдэрсэн нэгнээ нэмж бүү түлх" гэжээ.