Хөрш тосгонд амьдардаг аав дээрээ очихоор 3 настай Карина охин гэрээсээ гарчээ. Ээж нь түүнийг явахад санаа зовоогүй. Яагаад гэвэл охин энэ замаар олон удаа явж байжээ. Тосгонд очиход аав нь байсангүй. Ингээд 3хан настай алгын чинээхэн гэнэн охин аавыгаа хайхаар хүүхэд байтугай томчууд ч айгаад үл ойртох чоно баавгайгаар дүүрэн ой руугаа чиглэсэн байна. Гэхдээ ганцаараа биш нохойныхоо хамтаар. Охин төөрч хэл чимээгүй удсаны дараа аав ээж нь хэрэг бишдсэнийг ойлгон нутгийн иргэдийн тусламжтайгааар охиноо хайж эхлэв. Бүтэн 10 өдөр өнгөрлөө сураг чимээ байдаггүй. Охин алга болсноос 11 өдрийн дараа хамт явсан нохой нь гэртээ хүрээд ирэв. Карина нас барсан учраас охиныг хаяаад өөрөө нохой нь ирж дээ хэмээн хүмүүс бодсон ч аав ээж нь нохойгоо мөрдөхөөр шийдсэн байна. Нохойгоо гарах үед нь дагаж явсаар нилээн хэдэн км өнгөрсний дараа Карина охиныг өндөр өвсөн дундаас эсэн мэнд эрүүл саруул олжээ. бүтэн 11 хоногийн турш охин амьд байсан шалтгаан нь ердөө л энэ нохой. Каринагийн ярьснаар тэд жимс,өвс түүж идэж хоёр биенийгээ дулаацуулж, харин зоригт нохой чанга дуугаар хуцаж аймшигт араатнаас охиныг хамгаалж байсан гэнэ. Энэ үйл явдалд зориулан Якутын ард иргэд эр зориг,нөхөрлөл,хайр,үнэнч сэтгэлийг бэлгэдсэн хөшөөг босгосон байна.
Орчуулсан: Энхжаргал Ариунболд
