Уран бүтээлч Б.Дөлгөөний "Бүрхүүл" үзэсгэлэн дэлгэгдэж байна. Монгол-Солонгосын Гранд Арт 5 залуу уран бүтээлчдийн наадмын тэргүүн шагналт, Японы хувцас загварын 47 дахь орон улсын уралдаан, Hempel Fashion Award Beijing уралдааны финалист, VISION 2010 Хувцас загварын шоуны Шилдэг дизайнерын шагналт уран бүтээлч Б.Дөлгөөн нь Хятад, Япон, Солонгос, Хонг Конг, АНУ, Герман, Франц, Непал, Белги улсуудад зохион байгуулагдсан үзэсгэлэн, уралдаанд дүрслэх урлаг, хувцас загварын бүтээлүүдээрээ амжилттай оролцож байсан юм.
Хүн хувцсыг өмссөн үедээ нэг талаар түүнээс хамаарч нөгөө талаар ямар нэгэн мэдрэмж, мэдээллийн дамжуулагч болж байдаг. Харин хэн ч өмсөөгүй байхад хувцас энэ бүхнийг илэрхийлж чадах болов уу…
Үзэсгэлэн 2016 оны 3-р сарын 4-ний өдрийг хүртэл үргэлжилнэ.
