2016 оны Токиогийн гэрэл зургийн наадам эхлэх гэж байна. Энэ удаагийн үзэсгэлэнгийн үеэр монгол гэрэл зурагчид тусгай үзэсгэлэнгээ толилуулах юм. Үзэсгэлэнг Японы гэрэл зургийн холбооноос зохион байгуулдаг бөгөөд долоон хэсэгтэй. Энэ онд гадаадын орнуудаас Монголыг онцолж байгаа нь анхных юм.
Нийт 17 гэрэл зурагчин Монголын өнөөгийн дүр төрхийг зургаараа илэрхийлсэн бүтээлээ дэлгэнэ. Монголын гэрэл зурагчдын бүтээл тавдугаар сарын 20-оос зургадугаар сарын 12-ны хооронд тавигдана. Тус үзэсгэлэнг Японы гэрэл зургийн хэрэгсэл үйлдвэрлэгч "Nikon" "Sony" "Canon" зэрэг брэнд ивээн тэтгэж буй.
Эх сурвалж: INET.mn
