Морин хуурын олон улсын наадам нь морин хуурыг сурч, судалж буй олон улсын сонирхогч судлаачдын хамтын ажиллагааг өргөжүүлэн, морин хуурын хөгжмөөр дамжуулан монголын соёл урлагийг дэлхий дахинд таниулан сурталчилдаг. Тус наадам 2008 оноос эхлэн 2 жил тутам зохион байгуулагдаж байгаа юм. Наадмын хүрээнд мэргэжлийн болон сонирхогч морин хуурчдын, Морин хуур хөгжим урлаачдын уралдаан, морин хуурын үзэсгэлэн, Морин хуурын хөгжмийн талаар олон улсын эрдэм шинжилгээний хурал, хэлэлцүүлгийг зохион байгуулдаг юм. Тус наадам, эрдэм шинжилгээний хурал, үзэсгэлэн 2016 оны 5 сарын 3-наас 7-ны өдрүүдэд Улаанбаатар хотноо зохион байгуулагдах гэж байна.
Наадмын хүрээнд “Морин хуур хөгжмийн урын сан” эрдэм инжилгээний бага хурал симпозиум 2016 оны 5 сарын 5-ны өдөр 10 цагаас Петровис компаний хурлын тэнхимд зохион байгуулагдах аж. Иймд тус симпозиумд оролцох хүсэлтэй илтгэгчид өөрийн товч намтарыг 4- р сарын 25- ны дотор [email protected] хаягаар илгээх боломжтой юм байна.
Дэлгэрэнгүй мэдээллийг: 11319015 утаснаас авах боломжтой
www.Urlag.mn
