Холливудын жүжигчин Стивен Сигал загвар өмсөгч, жүжигчин бүсгүйг онилжээ. Тодруулбал, түүний шинэ кинонд Буриад бүсгүй Мария Шантанова тоглож байгаа аж. Тэрбээр АНУ-ын Лос-Анжелес хотноо сүүлийн жил гаруйн хугацаанд амьдарч буй гэнэ.
Олон улсад Буриадын хамгийн сайхан бүсгүй хэмээгдээд буй Мария Шантанова АНУ-д бизнес эрхлэхийн хажуугаар загвар өмсөгчөөр ажилладаг. Тэрбээр Стивен Сигалийг гэр бүлийнхээ хамтаар Байгаль нуур дахь "Дөрвөн улирал” амралтын газарт ирж амрахыг урьжээ. Энэхүү амралтын газрыг Мариягийн гэр бүлийнхэн ажиллуулдаг байна.
Стивен Сигал одоогоор Б.Эрдэнэтуяа хэмээх Монгол эхнэр болон Төгсбаясгалант Сигал хүүтэйгээ амьдарч байгаа гэдгийг фэнүүд нь мэдэж буй зээ.
