Өчигдөр үдэш "Яг түүн шиг" шоуны шилдэг 6 оролцогч тодорсон. Загвар өмсөгч С.Сарнай, жүжигчин Н.Мөнхсоёл нар шоуг орхисон. Харин хагас финалын ялагчаар дуучин Б.Маралжингоо тодров. Эхний хоёр дугаарт дараалан түрүүлж байсан тэрбээр энэ үдэш дуурийн дуу дуулж хэр цар хүрээтэй дуучин болохоо харуулсан. Харин өнгөрсөн дугаарт Н.Мөнхсоёлд түрүүгээ алдан фэйсбүүкээр нэг үндэсний ялагчийн хэмжээнд магтуулан аргадуулсан Э.Энхзол энэ үдэш ихэд хичээсэн ч яалт ч үгүй ялагдал хүлээв. Бүх дугаарын нийлбэр оноо, үзэгчдийн мессэж санал, тэр өдрийн шүүгчдийн үнэлгээ нэгдсэн дүн. Тэгвэл олон фэнтэй аливаад тун мэрийлттэй ханддаг Э.Энхзолын талаарх сонирхолтой баримтуудыг та бүхэнд хүргэж байна.
1.Э.Энхзолын өвөө Москва дахь МИАТ-ын төлөөлөгч байсан тул түүний хүүхэд нас хилийн чанадад өнгөрсөн. Москвагаас ирээд монголдоо сурч байгаад 16 настайдаа АНУ руу явсан. Буцаж ирэн ХУИС-ийг дүүргэж Бээжинд олон улсын маркетинг менежментээр суралцсан. Уг мэргэжил нь англи хэлний хүн.
2.2003 онд "Дашка" студийн дэргэдэх дуулаачийн курст явж эхэлснээр урлагт хөл тавьсан. Сонирхуулахад дуучин Б.Маралжингоо, Наагий "Universe Best Songs" наадмын Гранпри шагналын эзэн Жагар нар түүнтэй нэг анги.
3. Бээжингээс ирсэн даруйдаа 2007 онд "B production"-ы саналын дагуу DZ man-тэй хамтран "Freedom" дууг дуулсан нь "Пентатоник" наадмын оны шилдэг дуугаар тодорсон.
4. Тэр өөрийгөө амьдралыг бодитоор хардаг их реалист хүн гэж тодорхойлсон. Романтик зүйл мөрөөддөггүй. Бүх зүйлийг урьдчилан төлөвлөдөг.
5. Тэр "Киви" хамтлагийн Монгол дүр төрхийг илэрхийлдэг гишүүдээс цор ганц өөрийн хүсэлтээр, гэр бүлийн шалтгаангүй хамтлагаасаа гарсан нь. Бусад нь бүгд гэр бүлтэй болоод гарсан байдаг.
6. Түүний өөр нэг авьяас шүлэг бичих. Сонирхуулахад "Киви" хамтлагийн "Хайр хайраа өөрөө олдог" дууг бичиж өгсөн нь хит болсон.
7.Түүний өгзөгний асуудал шоуны үеэр хурцаар тавигдаж "хийлгэсэн" гэж хардуулж байв. Олон жилийн тууштай хөдөлмөр дасгал хөдөлгөөний үр дүн гэнэ лээ.
8. Тэр бие даасан тоглолтоо 2013 онд "No ordinary love" нэрээр хийж байсан.
9.Э.Энхзол ганц бие.
10. Тэр монголд од гэж байхгүй, харин олны танил хүмүүс л байгаа гэж үздэг.
Эх сурвалж: Zuvsongolt.mn
