22 настай дуучин Кристина Гриммиг хөнөөсөн алуурчин Кэвин Лойбл түүнд ухаан алдатлаа дурласан байжээ. Тэрээр дууг нь байнга сонсдог бөгөөд хамт ажиллагсдадаа дуучин бүсгүйг хэзээ нэгэн цагт эхнэрээ болгоно хэмээн хэлдэг байсан гэнэ.
Энэ хэрэг 6-р сарын 10-нд Орландод Кристинагийн тоглолтын дараа гарчээ. 27 настай алуурчин эр дуучны ах Маркус алуурчныг барих үед тэрээр өөрийгөө буудан хороосон юм.
Лойбл дуучин бүсгүйд таалагдахын тулд дүр төрхөө өөрчлөх оролдлого хийж үс шилжүүлэн суулгах болон нүдний өнгөө өөрчлөх хагалгаа хийлгэх мөн ногоо идэж жингээ хаях дэглэм барьж байжээ.
Солиот эр хамт ажиллагсдадаа залуу од охинтой уулзаж онлайн тоглоом тоглосон гэж хэлсэн гэжээ. Харин бодит амьдрал дээр тэд нэг ч удаа уулзаж байгаагүй. Кристинаг найз хөвгүүнтэй гэж мэдмэгцээ тэрээр дэлбэртлээ уурласнаар дуучин бүсгүйг буудан алах шалтгаан нь болжээ.
Кристинагийн гэр бүлийнхэн болон фэнүүд нь даваа гаригт Нью Жерси дэх төрсөн хот Эвешам Тауншипт цуглажээ. Түүнийг өнөөдөр оршуулж байгаа юм.
Ах Маркус нь энэ эмгэнэлт явдлын тухай мэдэгдэхдээ "Кристина бол гайхамшиг байсан. Тэр энэ хотдоо, улсдаа болон дуулах дуртай байлаа. Тэр Лордыг сонсдог бас надад хайртай миний хүүгийн хайртай эгч нь байсан" хэмээжээ.